A mendoni qe Policet do të liroheshin po të ishin kapur brenda Serbisë? Lirimi i Policeve Skenar i Vuçiqit!

A mendoni qe Policet do të liroheshin po të ishin kapur brenda Serbisë? Lirimi i Policeve Skenar i Vuçiqit!

Policia e Kosovës nuk do të lëshoheshin nëse ishin kapur brenda territorit të Serbisë.

Frika dhe presioni i ndërkombëtareve ka bërë që policet të lirohen, dihet që kishte fakte të mjaftueshme se Policet jan kidnapuar brenda territorit Kosovar.

Ndërsa Ministri i Punëve të Brendshme, Xhelal Sveçla, ka thënë se Serbia po vazhdon me lojërat e saj, ku edhe pse janë liruar, policët kosovarë do të përndiqen nga Serbia në liri.

Ai përmes një postimi në Facebook, ka thënë se konfirmimi i aktakuzës dhe lirimi në procedurë të rregullt është vazhdim i orvatjeve të Serbisë për të mbuluar agresionin policoro-ushtarak brenda territorit të Republikës së Kosovës.

Sveçla ka shtuar se ata duhet të lirohen pa kushte dhe Serbia të mbahet përgjegjëse për aktin e bërë.

Reagimi i plotë:

Serbia vazhdon me lojërat e saj.

Policët tanë sot kthehen në Republikën e Kosovës, në familjet e tyre e në radhët e Policisë së Kosovës. Për t’u bashkuar kështu me kolegët e tyre në misionin e përbashkët për rend e ligj, siguri e sovranitet në tërë territorin e Republikës së Kosovës.

Ndonëse lirimi i tyre sot është lajm i mirë, përndjekja e tyre nga Serbia do të vazhdojë në liri. Konfirmimi i aktakuzës dhe lirimi në procedurë të rregullt është vazhdim i orvatjeve të Serbisë për të mbuluar agresionin policoro-ushtarak brenda territorit të Republikës së Kosovës.

Policët tanë kanë qenë në detyrë zyrtare, brenda territorit të Republikës dhe duke kryer detyrën e tyre në mbrojtje të integritetit, sovranitetit të vendit dhe luftim të kontrabandës. Ata duhet të lirohen pa kushte dhe Serbia duhet të mbahet përgjegjëse për cënimin e integritetit territorial të Republikës së Kosovës.