Bashkëpunimet janë kthyer në një trend ditët e sotme, sidomos në industrinë tonë muzikore.
Ndonëse gjatë këtyre viteve kemi parë artistë nga më të ndryshmit të bashkojnë forcat, Elvana Gjata dhe Dhurata Dora na surprizuan me bashkëpunimin e tyre verën që lamë pas.
Këngëtaret sollë këngën “Gajde” e cila i fitoi menjëherë zemrat e publikut. Mirëpo së fundmi po përflitet se dyshja e suksesshme janë bërë bashkë sërish, këtë herë për të përfaqësuar Shqipërinë në “Eurovision”.
Lajmi është bërë i ditur nga faqja zyrtare e “Eurovision Kosovo” në Instagram, e cila ndër të tjera shpjegon se jozyrtarisht mësohet se Elvana dhe Dhurata kanë pranuar të jenë pjesë e FEST61 pasi RTSH-ja ka vendosur që për herë të parë kënga fituese e “Festivalit të Këngës” të zgjidhet edhe përmes televotimit.
Emrat e dy këngëtareve janë duke u përmendur si pjesëmarrëse në festivalin e dhjetorit, i cili do të drejtohet nga Arbana Osmani dhe bashkëshorit i saj.
Këtij lajmi e ka ndezur më shumë një “like” që Ilir Balija, menaxheri i Dhuarata Dorës i ka bërë postimit në fjalë.
Kujtojmë që një vit më parë ishte Ronela Hajati me këngën “Sekret” e cila përfaqësoi Shqipërinë në “Eurovision”.
Ajo nuk ia doli të shkonte në finale, ndërsa performanca e saj u shoqërua me shumë kritika.
